Carmine Lauri and Francesca Lauri violin and piano recital

Dettalji

Deskrizzjoni

Il-bookings se jiftħu dalwaqt.

Kunċert bis-sehem ta’ Carmine Lauri fuq il-vjolin u  Francesca Lauri fuq il-pjanu, biex jitfakkar is-sittin anniversarju mit-twaqqif tal-organizzazzjoni. Il-laqgħa inawgurali ta’ Din l-Art Ħelwa (DLH) saret fit-Teatru Manoel fil-Belt Valletta nhar id-9 ta’ Lulju 1965.

Din l-Art Ħelwa (DLH) hija għaqda mhux governattiva, bla profitt u volontarja imwaqqfa fl-1965 biex tissalvagwardja l-wirt kulturali ta’ Malta u l-ambjent naturali għall-ġenerazzjonijiet tal-futur, li jinkludi wkoll il-prattika tal-konservazzjoni u r-restawr tal-wirt kulturali tal-gżejjer. Ħafna binjioet storiċi ġew irrestawrat fuq għadd ta’ snin u dawn jinkludu it-Torri ta’ Sant’ Agata (it-Torri l-Aħmar), it-Torri ta’ Wignacourt, it-Torri ta’ Xufu, it-Torri tal-Għallis, it-Torri ta’ Qalet Marku, it-Torri Mamo, Ġnien il-Mistrieħ fuq is-Sur tal-Imsida, it-Torri tad-Dwejra (f’Għawdex), it-Torri ta’ Santa Marija, u l-Batterija ta’ Santa Marija (it-tnejn li huma fuq Kemmuna), kif ukoll il-Knisja tal-Vitorja fil-Belt Valletta.

Din l-Art Ħelwa torganizza kampanji kontra l-iżvilupp bla rażan fiż-żoni u madwar iż-żoni tal-konservazzjoni urbana u fil-kampanja. Din l-organizzazzjoni kienet strumentali sabiex jitwaqqaf il-Park tal-Majjistral, l-ewwel Park Naturali u Storiku Nazzjonali protett ta’ Malta. Il-proġetti tar-restawr kontinwi li hemm fih jinkludu il-Bungalow Awstraljan, li hija struttura tal-injam mibgħuta Malta fl-1920 biex jitħarrġu l-emigranti prospettivi Maltin fuq il-bini tal-injam u l-kappella medjevali ta’ Sanċir (San Mikiel) fir-Rabat fost oħrajn.