Agħtina l-appoġġ tiegħek

It-Teatru Manoel kontinwament ifittex assistenza esterna bħala għajnuna biex ikompli jiżviluppa l-għanjiet artistiċi tiegħu, kif ukoll biex iżomm u jtejjeb din il-binja storika. Individwi, kumpaniji jew organizzazzjonijiet jistgħu jgħinu b’modi differenti, fosthom billi jkunu sponsor ta’ elementi varji , bħal għal staġun/xahar/ġimgħa ta’ produzzjonijiet, ġeneri differenti ta’ rappreżentazzjonijiet (pereżempju proġetti ta’ drama, jew kunċerti żgħar ta’ matul il-ġimgħa) jew spettakli individwali, kif ukoll ta’ proġetti infrastrutturali separati.

Min-naħa tiegħu, it-Teatru jista’ joffri benefiċċji varji lill-isponsors tiegħu, fosthom li jidhru fuq materjal ta’ marketing, opportunitajiet li joffru spettaklu lill-klijenti u impjegati, u biljetti bla ħlas.

Send an email to info@teatrumanoel.mt for more information.

The Friends of the Manoel

Ingħaqad ma’ The Friends of the Manoel u appoġġja t-teatru nazzjonali ta’ Malta filwaqt li tibbenefika minn roħs fuq produzzjonijiet tat-Teatru Manoel u tal-Orkestra Filarmonika ta’ Malta u aċċess privileġġjat għal tours wara l-kwinti u taħditiet mill-artisti.

The Friends of the Manoel jiġbru flimkien mijiet ta’ dilettanti tat-teatru, mużika u żfin, kemm individwi kif ukoll entitajiet korporattivi, li jixtiequ jappoġġjaw it-Teatru Manoel u jkunu assoċjati mill-qrib mal-attivitajiet tiegħu.

Għal aktar minn 35 sena, The Friends of the Manoel taw kontribut lejn il-vitalità artistika u l-preservazzjoni tat-Teatru Manoel. Bil-fondi li tiġbor kull sena, l-assoċjazzjoni tappoġġja inizjattivi ta’ konservazzjoni u programmi edukattivi, b’enfasi akbar fuq l-introduzzjoni tal-arti tal-ispettaklu lil udjenzi żgħażagħ fil-kuntest tat-teatru nazzjonali mill-isbaħ ta’ Malta.

Sir Ħabib tal-Manoel!

Ittraħbar

Abbona biex tkun minn tal-ewwel li tirċievi l-aħħar aħbarijiet tat-Teatru Manoel!

Ibbukkja Issa
teatru-manoel-white-logo@3x