Back to What's onAmélie – The Musical huwa adattament teatrali kemxejn eċċentriku imma li jmiss il-qalb, u jġorr l-istess titlu tal-film Franċiż taħt id-direzzjoni ta’ Jean-Pierre Jeunet. L-istorja teħodna fil-belt mimlija ħajja ta’ Pariġi u tirrakkonta l-avventuri ta’ Amélie Poulain, tfajla li minkejja l-mistħija tagħha, tfur bl-immaġinazzjoni. Bil-moħbi tara kif tista’ ttejjeb il-qagħda ta’ dawk ta’ madwarha filwaqt li taffronta l-isfidi personali u tfittex il-kuntentizza f’ħajjitha. B’librett ta’ Craig Lucas, mużika ta’ Daniel Messé u lirika ta’ Nathan Tysen, dan id-dramm mużikali huwa mżewwaq b’karattri kkuluriti u b’elementi viżivi affaxxinanti, u jitratta l-maġija li jqanqlu ġesti sempliċi, kif ukoll il-qawwa tal-konnessjoni umana. Amélie se tingħata l-ħajja taħt id-direzzjoni ta’ Dorothy Bezzina u d-direzzjoni mużikali ta’ Edward Mifsud, u tistieden lill-udjenzi jimirħu f’dinja fejn l-istraordinarju jinħeba wara l-ordinarju, u tiċċajpar id-differenza bejn il-ħolm u r-realtà.
| Esperjenza lussuża ma’ AX Privilege Rosselli u t-Teatru Manoel
Ibdel il-lejla tiegħek għal Amelie f’esperjenza indimentikabbli fil-Belt Valletta. Gawdi lejl ta’ lussu f’Rosselli – AX Privilege, ikla qabel l-opra f’Grain Street, u ospitalità esklussiva fit-teatru li tinkludi box privata, bibita żgħira mal-wasla u fl-intervall. Stenbaħ l-għada għal kolazzjon à la carte u gawdi minn late check-out. €760 għal 2 adulti. Disponibbli fit-8-10 and 15-17 ta’ Mejju 2026. Ibbukkja Hawn |
