1984

Dettalji

Deskrizzjoni

Bħala parti mit-TOI TOI Classics, id-direttriċi Petra Sant, se tippreżenta fuq il-palk prinċipali tat-Teatru Manoel ir-rumanz klassiku 1984, ta’ George Orwell, b’addattament ta’ Robert Icke u Duncan Macmillan. 1984 ittella’ għallewwel darba fin-Nottingham Playhouse fl-2013 u hija produzzjoni inġenjuża, brillanti u li tqabbdek il-bard.

Fid-dinja tal-1984 is-sorveljanza hija kontinwa, il-verità hija immanipulata u l-ħsibijiet u ideat indipendenti huma illegali. L-istorja tiżvolġi madwar Winston Smith li jirribella kontra l-awtorità tal-Party iżda l-konsegwenzi kifrin ta’ dan, f’dinja fejn Big Brother jara kollox, għad irid jiskoprihom.

Jieħdu sehem fost l-oħrajn Edward Caruana Galizia, Alan Paris u Stephen Oliver. Disinn tas-sett Adrian Mamo, dawl Gianluca Branco u contenut viżwali ta’ Dylan Odom.