Back to What's onBodyterranean huwa spettaklu ta’ kollaborazzjoni ta’ artisti Taljani, Griegi u lokali mmexxija minn Simone Mongelli, fejn l-istrument prinċipali huwa l-ġisem uman innifsu. Din il-produzzjoni dinamika u interessanti tuża elementi ta’ mużika, kanzunetti, żfin u teatru f’esplorazzjoni tal-lingwa universali tar-ritmu tal-ġisem tagħna. F’Bodyterranean, il-mużika tradizzjonali tal-Mediterran tiltaqa’ mal-mużika tal-lum biex tirrakkonta stejjer ta’ mħabba, eżilju, maternità, diversità, ferħ u dwejjaq li kull kultura u tip ta’ persuna tista’ tirrelata magħhom. Il-kanzunetti f’dan il-kunċert jirrakkontaw stejjer li jneħħu d-differenzi bejnietna biex jinħoloq ambjent ta’ ugwaljanza u paċi.
