Back to What's onBiljetti b’rata mraħħsa huma applikabbli għal persuni anzjani (‘il fuq minn 60 sena), persuna b’diżabilità (li għandhom Karta Ewropea tad-Diżabilità), studenti (li għandhom karta tal-istudenti), nies li għandhom European Youth Card u minuri (bejn il-11 u s-16 -il sena).
*Persons with a disability can send an email to bookings@teatrumanoel.mt for a complimentary companion ticket with a digital copy of the European Disability Card, and a copy of the ticket/s purchased.
Għall-edizzjoni ta’ din is-sena tal-Valletta Early Opera Festival, Festivals Malta u Teatru Manoel qed jippreżentaw żewġ opri ta’ Christoph Willibald Gluck: Il Parnaso Confuso u La Corona. Magħżula mid-direttur artistiku Kenneth Zammit Tabona, dawn iż-żewġ opri inkitbu fl-1765 għall-qorti ta’ Habsburg fil-palazz ta’ Schönbrunn fi Vjenna. Filwaqt li Il Parnaso Confuso nkitbet u ġie esegwita fl-1765 biex ikun iċċelebrat iż-żwieġ tal-Arċiduka Ġużeppi lill-Prinċipessa Maria Josepha ta’ Bavarja, La Corona ttellgħet għall-ewwel darba fl-1987. Din oriġinarjament kienet maħsuba biex tittella’ għaċ-ċelebrazzjoni f’ġieħ l-isem tal-Arċiduka Franġisku li laħaq miet aktar kmieni fl-1765.
Il Parnaso Confuso hija opra satirika li timmaġina storja fuqil-Muntanja ta’ Parnasus. Fuq din il-Muntanja, il-Mużi jikkompetu bejniethom dwar min għandu jieħu sehem f’kunċert ta’ tieġ imperjali. L-opra toħloq logħba vivaċi bejn l-ego u l-kreattività. F’din il-produzzjoni, se naraw lil Gillian Zammit fir-rwol ta’ Apollo, Cledia Micallef bħala Euterpe, Gabrielle Portelli bħala Erato, u Caterina Iora bħala Melpomene.
La Corona għandha ton aktar epiku u erojku mqabbel ma’ Il Parnaso Confuso, b’rakkont ibbażat fuq il-leġġenda tal-Kaċċa għall-Ħanżir Kalidonjan. L-opra tiċċentra fuq il-mistoqsija ta’ min jistħoqqlu l-glorja talli qatel il-kreatura salvaġġa. L-unur imbgħad jispiċċa jingħata lill-alla Diana. F’din l-opra, Francesca Aquilina tieħu r-rwol ta’Atalanta, b’Gillian Zammit bħala Meleagro, Caterina Iora bħala Climene, u Bettina Zammit bħala Asteria.
Id-direzzjoni teatrali ta’ dawn iż-żewġ opri hija f’idejn Brett Nicholas Brown, li se jinterpreta dawn il-miti klassiċi b’viżjoni kontemporanja. Il-perit u disinjatur Anthony Bonnici qed joħloq id-disinn tas-sett, filwaqt li l-kostumi huma maħduma minn Luke Azzopardi li huwa magħruf għall-istil eleganti tiegħu. Id-dawl qed jiġi ddisinjat minn Moritz Zavan Stoeckle.
Dawn iż-żewġ opri joffru serata varjata —waħda b’ton satiriku u l-oħra b’ton nobbli u riflessiv—minn cast u tim kreattiv b’mod predominanti Malti.
CREATIVE TEAM
Stage Director – Brett Nicholas Brown
Costume Designer – Luke Azzopardi
Set Designer – Anthony Bonnici
Light Designer – Moritz Zavan Stoeckle
Choreographer – Simon Riccardi-Zani
CAST
Il Parnaso Confuso
Apollo – Gillian Zammit
Euterpe – Cledia Micallef
Erato – Gabrielle Portelli
Melpomene – Caterina Iora
La Corona
Atalanta – Francesca Aquilina
Meleagra – Gillian Zammit
Climene – Caterina Iori
Asteria – Bettina Zammit
Notifika dwar il-Biljetti:
Biljetti b’rata mraħħsa huma applikabbli għal persuni anzjani (‘il fuq minn 60 sena), persuna b’diżabilità (li għandhom Karta Ewropea tad-Diżabilità), studenti (li għandhom karta tal-istudenti), nies li għandhom European Youth Card u minuri (bejn il-11 u s-16 -il sena).
*Persons with a disability can send an email to bookings@teatrumanoel.mt for a complimentary companion ticket with a digital copy of the European Disability Card, and a copy of the ticket/s purchased.
