Back to What's onMinn xi tliet tużżani opri li kkompona Mozart, ftit huma dawk li normalment jittellgħu. Għal din it-tieni edizzjoni tal-Valletta Early Opera Festival, Festivals Malta, b’kollaborazzjoni mat-Teatru Manoel, qegħdin jippreżentaw interpretazzjoni maġika ta’ Il Re Pastore, waħda mix-xogħlijiet ta’ Mozart li mhumiex apprezzati biżżejjed, b’Maestro Giulio Prandi li se jerġa’ lura biex imexxi l-ensemble orkestrali. L-opra tirrakkonta l-ġrajja tar-re tal-Maċedonja, Alessandro, li niżżel lil Stratone, tirann ta’ Sidon, mit-tron tiegħu, bl-għan li jsib lil min jistħoqqlu bid-dritt li jkun ir-re.
Il Re Pastore hija waħda mir-repertorju tal-bidu ta’ Wolfgang Amadeus Mozart, silta li Mozart ikkompona meta kellu biss 19-il sena. Xi waqtiet l-anqas biss isejħulha opra, imma serenata, tip ta’ kantata drammatika. Id-dehra ta’ kwartett ta’ maħbubin (Aminta u Elisa, Agenore u Tamiri) ta’ fedeltà xi ftit dubjuża, awtomatikament tieħu l-ħsieb tal-udjenza moderna lejn Cosi Fan Tutte. Il Re Pastore hija silta li ddaħħlek fl-istorja b’temi simili permezz ta’ librett Taljan ta’ Metastasio.
L-opra ta’ din is-sena se terġa’ tara lill-kontro-tenur Federico Fiorio fl-irwol prinċipali ta’ Aminta, lil Claire Debono bħala Tamiri u lil Raffaele Giordani bħala Agenore. Il-kast se jinkludi wkoll żewġ persuni ġodda għall-Valletta Early Opera Festival: lil Catherine Trottman bħala Elisa u lil Nico Darmanin bħala Alessandro. Direzzjoni tal-palk hija f’idejn Tommaso Franchin, u Giacomo Biagi huwa l-assistent direttur mużikali. Ix-xenografija u l-kostumi huma f’idejn Fabio Carpene u Giovanna Fiorentini rispettivament.
