Back to What's onKunu xhieda ta’ traġikummiedja li tiżvolġi fl-isfond tal-Ewropa kontemporanja u tal-pajsaġġ teatrali vibranti tagħha. Ingħaqdu mad-dinja ta’ ġurija li qed tiffaċċja l-isfida kbira li tagħżel ir-rebbieħ inawgurali tal-Festival tat-Teatru Ewropew, immudellat skont l-Eurovision Song Contest.
Total impressjonanti ta’ 52 pajjiż se jippreżentaw l-ispettakli tagħhom, kull wieħed minnhom se jkun qed jikkompeti għat-titlu tant mixtieq ta’ ‘The Best European Show’. Ma jafux li l-kompitu li jinsab f’idejhom huwa ferm aktar kumpless milli qatt setgħu jantiċipaw. Hekk kif toqrob is-serata deċiżiva, nisġa ta’ politika, ambizzjonijiet privati, ġrajjiet ta’ mħabba, u viżjonijiet artistiċi awdaċi se jingħaqdu flimkien, u joħolqu narrattiva eċitanti.
L-eċitament dejjem qed jikber, u l-istress, kull ma jmur, qed jintensifika. Hekk kif kollox jidher li jinsab taħt kontroll, jitfaċċa l-kaos, u kważi dak kollu li jista’ jmur ħażin, imur ħażin. M’aħna qed nistennew xejn inqas minn ħallata ballata ta’ sorpriżi għas-serata finali.
Imma d-drama ma tibdiex u tispiċċa biss fuq il-palk. L-udjenza ssir parti integrali mill-ispettaklu, u f’ħakka t’għajn, ix-xena kollha tat-teatru madwar l-Ewropa tesperjenza bidla. Lestu rwieħkom għal taħlita ta’ emozzjonijiet fejn it-traġedja u l-kummiedja jiltaqgħu u jħallu marka permanenti fid-dinja tat-teatru Ewropew.
