Back to What's onIs-sopran Andriana Yordanova u l-pjanista Caroline Calleja se jeżegwixxu għażla ta’ siltiet mill-Mużika tas-Saluni, li hija kollezzjoni ta’ 150 silta vokali, da camera u għall-pjanu solo tal-kompożitur Gioacchino Rossini.
Fl-aħħar 40 sena ta’ ħajtu, Rossini kien waqaf milli jikkomponi l-opri, fatt kurjuż li ħadd qatt ma seta’ jispjegah sew; setgħet kienet għax saħħtu marret lura, jew minħabba l-ġid li kien ġablu s-suċċess, jew minħabba li daħlet il-moda tal-opra grandjuża u spettakulari bħal tal-kompożitur Giacomo Meyerbeer. Mill-bidu tal-1830 sal-1855, meta huwa telaq minn Pariġi u bbaża ruħu f’Bolonja, Rossini kiteb ftit li xejn. Meta reġa’ lura Pariġi fl-1855, huwa sar magħruf għas-saluni mużikali tiegħu ta’ kull nhar ta’ Sibt. Dawn kienu jkunu mimlija regolarment minn mużiċisti u miċ-ċirkli artistiċi u tal-moda ta’ Pariġi li għalihom kien kiteb siltiet divertenti imsejħa Péchés de vieillesse (Dnubiet tax-xjuħija). Bħala mistednin wieħed seta’ jsib lil Franz Liszt, Anton Rubinstein, Giuseppe Verdi, Meyerbeer, u Joseph Joachim. L-aħħar kompożizzjoni kbira ta’ Rossini kienet il-Petite Messe Solennelle(1863).
