Back to What's onEsperjenza ta’ kitba u reċtar
18 – 22 ta’ Settembru 2023
10:00 – 13:00 | PAWŻA GĦALL-IKEL | 14:00 – 17:00
Ħamest ijiem tesplora lil Shakespeare, kemm mill-perspettiva ta’ attur u anke minn ta’ awtur. Qatta’ ħames għodwiet taħdem u ttella’ wħud mill-aqwa xogħlijiet ta’ Shakespeare permezz ta’ għodod fl-RSC rehearsal room u tilgħab text detective billi ssegwi l-indikazzjonijiet li ħalla hu fil-kitbiet tiegħu, biex jidderieġi l-atturi tiegħu. Waranofsinhar, skopri l-ħiliet tal-kitba tiegħek stess f’eżerċizzji prattiċi ispirati minn xogħlu. Immexxija mill-attriċi u kittieba professjonali tar-Royal Shakespeare Company, Lizzie Hopley, il-ġimgħa tilħaq il-qofol tagħha b’rappreżentazzjoni tax-xogħol tiegħek fit-Teatru Manoel.
Kull livell ta’ esperjenza u abbiltà huwa milqugħ. Din il-ġimgħa intrigattiva se toffri introduzzjoni attiva u inklużiva għal Shakespeare jew mod kif wieħed jista’ jtejjeb il-ħiliet tal-kitba u tar-rappreżentazzjoni tiegħu waqt li jitgħallem minn Shakespeare nnifsu.
Livell intermedju Xi ftit esperjenza ta’ rappreżentazzjonijiet live hija rikomandata.
Lizzie Hopley, BA (Hons) – attriċi, kittieba, RSC practitioner
Imwielda fl-Ingilterra, Lizzie studjat fl-Università ta’ Manchester u fir-Royal Academy of Dramatic Art. Bħala kittieba, is-sitcom pilota tagħha Green, rebħet Pozzitive Television’s Funny Dot Comp 2021 u s-serje televiżiva tagħha Bloody Betty bħalissa qed tiġi żviluppata flimkien ma’ Showem Entertainment. Ir-radjudrammi tagħha jinkludu Salome (Drama on 3), The Elizabethan Beauty Law (Radio 4) u The Cenci Family (li fiha tieħu sehem Sally Hawkins, nominata għal Sony Academy Award u A Richard Imerson 1st play award). Ir-reċta, li biha ddebuttat fit-teatru, Pramface rebħet il-Plat de Jour fl-Edinburgh Festival 2005. Waqfet għal sena fl-2017 biex taħdem fulltime bħala kummidjanta biex toħloq blog: Diary of a Stand Up Virgin. Bħala attriċi, ix-xogħol notevoli tagħha fuq it-televiżjoni u l-films jinkludi S3 ta’ Brassic, Little Boy Blue (ITV), Luther (BBC), Jane Eyre ta’ Cary Fukunaga, Pierrepoint ma’ Timothy Spall, The Thirteenth Tale ma’ Vanessa Redgrave, The Day of the Triffids (ma’ Dougray Scott & Eddie Izzard) u Randall & Hopkirk Deceased II. Xogħol teatrali riċenti jinkludi tour internazzjonali ta’ Tis Pity She’s a Whore ma’ Cheek by Jowl u Roaring Girls Season tal-RSC.
