Back to What's onMiktub oriġinarjament bil-Franċiż minn Yasmina Reza u tradott għall-Ingliż minn Christopher Hampton, dan id-dramm għandu direzzjoni ta’ Andre Agius u se jkun qed jittella’ bil-lingwa Ingliża.
‘God of Carnage’ hija ‘dark comedy’ eċċezzjonali li ttellgħet għall-ewwel darba fl-2006 f’Zurich fejn imbagħad rebħet il-‘Moliere Award for Best Play’ ġewwa Pariġi. Fl-2008 għamlet id-debut tagħha fil-West End b’kast li inkluda lil Ralph Fiennes, Tamsin Grieg, Ken Stott u Janet McTeer. Fid-debut ta’ Broadway fl-2009, il-kast kien magħmul minn Jeff Daniels, Hope Davis, James Gandolfini u Marcia Gay Harden. Minn dakinhar sal-lum, dan id-dramm ittella’ f’bosta teatri madwar id-dinja kollha, fejn ġibed lejh udjenzi numerużi
Din il-produzzjoni se tieħu lill-udjenza f’sitwazzjoni ta’ kunflitt li tiżviluppa bejn żewġ koppji ġenituri, meta jiltaqgħu sabiex jiddiskutu argument li kien hemm bejn uliedhom li għandhom 11-il sena. Hekk kif tikber u tiżdied it-tensjoni, din il-produzzjoni toffri kummentarju mill-aqwa dwar id-dinamika tas-soċjetà moderna li qed ngħixu fiha llum. Għalhekk titilfux din l-opportunità biex taraw din il-produzzjoni li se tesplora n-natura umana u ċ-ċivilizzazzjoni.
