Meet Me A Tree

MEET ME A TREE hija l-ewwel opera interattiva għal tfal li għandhom bejn 0 u sentejn u l-kustodji tagħhom b’mużika minn Schumann, Delibes u Handel kif ukoll kliem u mużika maħluqa mill-kumpanija. HurlyBurly jistieden lilek u lit-tarbija tiegħek fuq vjaġġ multisensorju matul sena mill-ħajja ta’ siġra: kant ma’malvizzi suwed, mixjiet qalb weraq li waqgħu, xamm ta’ fjuri ġodda u ħass tar-riħ fuq ħaddejk. B’kant sabiħ u mużika rilassanti fil-qalba tagħha, Meet Me A Tree hija opportunità għal ġenituri ġodda, indokraturi u trabi biex jirrilassaw u jieħdu gost. Ħallini nlaqqgħek ma’ siġra. X’tista’ tara taħt is-sema blu waqt li s-sajf għaddej?