Back to What's onEsperjenza l-gost ta’ ħamest ijiem ta’ taħriġ intens fit-teatru mużikali fit-Teatru Manoel mid-Direttriċi Ewlenija Caroline Clegg u l-vocal coach Kate Fenech Field. Tgħallem ir-repertorju ta’ wħud mill-aqwa surmasti mużikali ta’ żminijietna Rodgers and Hammerstein, Sondheim, Irving Berlin, Cole Porter, Kander and Ebb, Andrew Lloyd Webber, u spettakli bħal Cabaret, West Side Story, Anything Goes, Singing in the Rain, Rocky Horror u ħafna aktar. Ir-repertorju ma jispiċċa qatt imma jkun adattat għal ħiliet u l-vuċijiet tal-parteċipanti. Se titgħallem kif tħejji ruħek u tagħti rappreżentazzjoni kemm solo u ensemble, tiżviluppa l-kreattività u tiskopri l-potenzjal tal-vuċi tiegħek. Kemm jekk int kantant/a li tiżfen jew żeffien/a li tkanta, dan il-bootcamp hu għalik!
Livell intermedju.
Xi ftit esperjenza ta’ rappreżentazzjonijiet live hija rikomandata.
–
Caroline Clegg hija direttriċi tal-palk u koreografa. Hi tħarrġet fl-Italia Conti School f’Londra u bdiet il-karriera tagħha bħala żeffiena f’West End Musicals bħal Singing in the Rain u 42nd Street flimkien ma’ karriera ta’ suċċess b’repertorju kemm tat-teatru u anke fit-TV. Caroline hija direttriċi tal-palk internazzjonali u fundatriċi u direttriċi artistika ta’ Feelgood Theatre Productions. Hi għallmet u dderiġiet fir-Royal Northern College of Music għal 18-il sena u kienet id-direttriċi inawgurali ta’ Youth Perform (issa Young Company) il-grupp tal-Musical Theatre għaż-żgħar. Ħolqot musicals għal iktar minn għaxar snin bl-aktar rebħa riċenti tkun il-Manchester Theatre Award għal Singing in the Rain.
Caroline tgħallem fil-Manchester School of Theatre (MMU) u r-Royal Conservatoire of Scotland (RCS) fejn xogħlijiet riċenti tagħha jinkludu The Threepenny Opera, il-premiere fir-Renju Unit ta’ Dead Man Walking (Heggie) u Orfeo and Euridice għal Scottish Opera Young Company.
Kate Fenech Field (PPRNCM, BMus RNCM) vocal coachkowċ tal-vuċi, direttriċi tal-kor u arranġatriċi tal-mużika. Hija bdiet tgħallem meta mexxiet proġett edukattiv għal Clonter Opera f’Cheshire, fejn introduċiet l-opera lil mijiet ta’ studenti tal-primarja permezz ta’ workshops diversi. Il-karriera tagħha bħala kantanta fl-opra, fil-klassiku u musical theatre, wasslitha biex tippreżenta workshop tal-kant għal waħda mill-aqwa skejjel part-time tal-performing arts, Jayne A Coleman Academy of Dance f’Crowthorne.
Kate bħalissa tmexxi teatru għal udjenzi żgħar, taħriġ għaż-żgħażagħ, kant komunitarju u proġetti ta’ żvilupp ta’ udjenzi fit-Teatru Manoel, billi tmexxi il-Programm tat-Taħriġ u Parteċipazzjoni, TOI TOI.
